კომპანიის შესახებ ____________________________________________________________________________________________________________________________________________________

სიბოლო-ფერადი

 

სინერჯის კაპიტალის პარტნიორები | Synergy Capital Partners - სინერჯი ჯგუფის შვილობილი კომპანიაა, რომელიც ეძებს, აერთიანებს და ეხმარება ადამიანებს გაზარდონ თავიანთი კაპიტალი ისეთი ორგანიზაციების განვითარებაში ინვესტირებით, რომლებსაც ღირებულების გაზრდა ძალიან სწრაფად შეუძლიათ. მისი ჩვეულებრივი აქციების 100%-ს სწორედ სინერჯი ჯგუფი ფლობს. დანარჩენი 70% პრივილეგირებული აქციების მფლობელებისაა.


ამ მიმართულებით სინერჯის კაპიტალის პარტნიორები საუკეთესო ინვესტირების შესაძლებლობაა საქართველოს ბაზარზე, რომელიც საშუალებას იძლევა ფინანსური რესურსების განსაკუთრებული პირობებით დაბანდებას ისე, რომ:

  • უზრუნველყო საკუთარი და უახლოესი ადამიანების მომავალი კეთილდღეობა – რისთვისაც, სინერჯის კაპიტალის პარტნიორების ჯგუფთან ერთად ყველაზე ადრეულ ეტაპზე გახდები ისეთი კომპანიების თანამფლობელი, რომლებიც შემდეგი 3-5 წლის განმავლობაში რამდენჯერმე გაიზრდებიან და აქვთ პოტენციალი 10-15 წელიწადში შევიდნენ საქართველოს 100 უმსხვილესი კომპანიის სიაში.
  • ამასთან მიიღო მაღალი მიმდინარე სარგებელი, როგორც ყოველთვიურად, ისე წლის ბოლოს დამატებითი პრემიის სახით;
  • ამავე დროს ნებისმიერ მომენტში შეგეძლოს გადააქციო ფულად, ან სესხი აიღო ადვილად მისი უზრუნველყოფით ან სულაც ძალიან მარტივად გაყიდო ან უკან ჩააბარო.

ამ შესაძლებლობით შეგიძლია შეიძინო სააქციო საზოგადოება “სინერჯის კაპიტალის პარტნიორების” 1000 დოლარის ნომინალური ღირებულების პრივილეგირებული აქციები, რომლებსაც ყოველთვიურად ერიცხება ამერიკულ დოლარში დღიურად გადაანგარიშებული წლიური 10% დივიდენდი გარანტირებულად და პლიუს წლის ბოლოს, საქმიანობის შედეგებიდან გამომდინარე სავარაუდოდ მინიმუმ 5-7% დამატებით პრემიალური სარგებლის სახით. შეგიძლიათ იხილოთ  ემისიის პროსპექტი  და დეტალური ინფორმაცია მიიღოთ სინერჯის კაპიტალის პარტნიორების პირველი ემისიის პრივილეგირებული აქციების შესახებ.

ამ ეტაპზე, პირველი ემისიის აქციების გაყიდვისას ერთ ადამიანზე გასაყიდი აქციების რაოდენობა შეზღუდულია, მინიმუმ 20 და მაქსიმუმ 100 აქციით. ემისიის ვადა 6 თვიანია და ის 2018 წლის 31 ოქტომბერს დასრულდება.

პრივილეგირებული აქციების შეძენით თქვენ იმ პროცესის აქტიური მონაწილეები ხდებით, რომელიც უკვე თითქმის 20 წელია მიმდინარეობს. აქამდე სინერჯი ჯგუფი მათ მხოლოდ სტრატეგიის გააზრებაში, სტრუქტურის გამართვაში ეხმარებოდა, თუმცა ამ კომპანიების უმრავლესობას უჭირდა საკუთარი კაპიტალის გაზრდა განვითარებისთვის, რის გამოც შესაძლოა კარგავდნენ ზრდის უნიკალურ შესაძლებას.

წარმოგიდგენთ იმ პროცესს, რომელსაც  პორტფელის გაფართოების ამოცანაზე მუშაობისას გავდივართ:

rsz_1picture1

ამის გარდა, სინერჯი ჯგუფი აქტიურად მუშაობს ამ კომპანიების ზრდაზე, რომ ისინი ქვეყნის საუკეთესო და უდიდესი კომპანიების რიცხვში შევიდნენ. ამ კომპანიების ღირებულების ზრდა მნიშვნელოვნად გაზრდის ამ კომპანიებში ჩვენი ერთობლივი წილების ღირებულებას წლიდან წლამდე. ეს არის ის მთავარი სარგებელი, რასაც ჩვენი აქციონერები მიიღებენ ჩვენი აქციების ფლობით.

yellow_line

ჩვენი საინვესტიციო პოლიტიკა:

  • ჩვენ არ ვაფინანსებთ სტარტაპებს. ჩვენ ვაფინანსებთ უკვე არსებულ ორგანიზაციებს, რომლებსაც რაღაც პროდუქტი, რაღაც მომსახურება უკვე აქვთ, გარკვეული გუნდი ჰყავთ და გარკვეული გამოცდილება, თუნდაც ძალიან წარუმატებელი, მაგრამ უკვე დაუგროვდათ.
  • ჩვენ ვაფინანსებთ და ინვესტიციებს ვდებთ ისეთ ორგანიზაციებში, სადაც მთავარი წარმატების განმსაზღვრელი ფაქტორი არის ადამიანი და არა მიწა;
  • ჩვენ არ ვაფინანსებთ ისეთ ორგანიზაციებს, რომლებიც ძალიან არიან დამოკიდებული ერთ ან ორ ადამიანზე, მათ ცოდნაზე, ინფორმაციაზე, რომელსაც ფლობენ, მათ კავშირებზე, მათ გამოცდილებაზე. სადაც მათ წასვლას ან გარდაცვალებას არსებითად შეუძლია ორგანიზაციის სიცოცხლისუნარიანობაზე იმოქმედოს;
  • ჩვენ არ ვაფინანსებთ მაღალალკოჰოლური პროდუქციის ან იარაღის მწარმოებელ კომპანიებს; ჩვენ არ ვაფინანსებთ აზარტული თამაშებით დაკავებულ ორგანიზაციებს, თამბაქოს, ნებისმიერი ფორმით დამოკიდებულების ან სხვა სიცოცხლისთვის და ჯანმრთელი ცხოვრებისთვის საფრთხის შემცველი პროდუქციის მწარმოებელ, მოვაჭრე ან მომსახურე ორგანიზაციებს;
  • ორგანიზაციები, რომლებსაც ჩვენ ვაფინანსებთ და კაპიტალში შევდივართ აუცილებლად უნდა იყონ მასშტაბირებადი და ქონდეს გაზრდის შესაძლებლობა;
  • ის პროდუქცია ან მომსახურება, რომელსაც ჩვენი პორტფელის კომპანიები ახორციელებენ, უნდა იყოს საექსპორტო პოტენციალის მქონე;

რაც შეეხება სესხს, ის გაიცემა საშუალოდ 16% წლიური სარგებლით, ამერიკულ დოლარებში, რაც საშუალებას გვაძლევს 10% წლიური გადაანგარიშებით ყოველთვიურად გადავიხადოთ მინიმალური გარანტირებული სარგებელი ჩვენი პრივილეგირებული აქციონერებისთვის.

სესხის გაცემამდე ტარდება  დეტალური დიაგნოსტიკა – როგორც ფინანსური ისე იურიდიული ანალიზი,  მასთან ყველაზე მნიშვნელოვანია სტრატეგიის, სტრუქტურის, გუნდის პოტენციალის დეტალური ექსპერტიზა. ამ გზით ხდება რისკების მაქსიმალურად შესწავლა და კომპანიაში შესვლის გადაწყვეტილების მიღება.

თუ პორტფელის კომპანიებში არსებული მდგომარეობა გაუარესდება სხვადასხვა გარე და შიდა ფაქტორის გამო, ჩვენ გამოვიყენებთ მართვაში შესვლის უფლებას და სინერჯი ჯგუფი დაიწყებს ამ კომპანიების მდგომარობიდან გამოყვანის პროექტს, რისი საკმარისი გამოცდილებაც გვაქვს.

სინერჯის კაპიტალის პარტნიორების დანიშნულებაა, რაც შეიძლება მეტ ადამიანს შეუქმნას სტაბილურად მზარდი მაღალმომგებიანი საინვესტიციო პორტფელი ისე, რომ მათი ფინანსები და გამოცდილება ხელმისაწვდომი გახდეს მომავლის ლიდერი იმ ორგანიზაციებისთვის, რომლებსაც ეს განსაკუთრებით სჭირდებათ.

 

სინერჯის კაპიტალის პარტნიორების დაარსების ისტორიასა და მის შემდგომ განვითარებაზე იწერება სტატიები, რომელთა ნახვა შესაძლებელია ბმულზე.

ყველა დაინტერესებულ ადამიანს, ვისაც უნდა ჩვენი პარტნიორობა ან აქციების ყიდვის სურვილი გაუჩნდა, აუცილებლად ვხვდებით პირადად და ვუხსნით ყველა დეტალს. ჩვენთვის საინტერესოა პირადად გაგიცნოთ და აგიხსნათ დამატებით დეტალები. სინერჯის კაპიტალის პარტნიორების ხელმძღვანელობასთან შეხვედრის დასაგეგმად დაგვიკავშირდით ნომერზე – 598 48 69 88.