GEO ENG
GEO ENG

“მისტიური მყიდველის” ეფექტი მომსახურების ხარისხის გასაზრდელად

სუპერმარკეტების ქსელის მომსახურების ხარისხის განვითარებისთვის ერთ–ერთი წარმატებული წინაპირობა მისტიური მყიდველების გააქტიურება შეიძლება გახდეს.

 

ჩვენი აზრით, ამისათვის საჭირო იქნება ქსელმა შესაბამის კომპანიას მისტიური მყიდველის სერვისი შეუკვეთოს, რომლის დახმარებითაც გააკონტროლებდა და თან გაზრდიდა მომსახურების ხარისხს თავის სავაჭრო ობიექტებში. ამ შემთხვევაში მისტიური მყიდველის მთავარი დანიშნულება იმ თანამშორმლების აღმოჩენა უნდა იყოს, რომლებიც ყველაზე მეტ ლოიალობას იჩენენ კლიენტების მიმართ.

პირველ ეტაპზე საჭირო იქნება თანამშრომლების შესაფასებლად საჭირო კრიტერიუმების ჩამოყალიბება. კომპანია ამ კრიტერიუმებს წინასწარ გაავრცელებდა თანამშრომლებში და გააფრთხილებდა, რომ ნებისმიერ დროს შეიძლება შემოვიდეს მისტიური მყიდველი და გამოცადოს ისინი შედგენილი კრიტერიუმების შესაბამისად.

 

მეორე ეტაპზე, მისტიურ მყიდველები დაიწყებდნენ ქსელის მაღაზიებში შესვლას და დაკვირვებას, კლიენტების მიმართ ყველაზე ლოიალურების გამოსავლენად, რათა კომპანიამ მათ შორის ყველაზე საუკეთესოები დააჯილდოვოს და წაახალისოს.

 

ვფიქრობთ, რომ ამ გზით ქსელი როგორც კარგად მომუშავეებს, ისე დანარჩენ თანამშრომლებს წაახალისებს, რათა მათ უფრო უკეთ შეასრულონ დაკისრებული ვალდებულება – შეუქმნან  კლიენტებს დამატებითი კომფორტი თავისი მომსახურებით და  მაღაზიისადმი მათი ნდობისა და ლოიალობის ხარისხი გაზარდონ.

 

საბოლოო ჯამში, შედეგი გაყიდვების საგრძნობი სტიმულირება იქნება.