GEO ENG
GEO ENG

ხელმძღვანელი როგორც წყალი თუ ხელმძღვანელი როგორც კლდე

არიან ლიდერები, რომლებიც იქცევიან როგორც წყალი, ახერხებენ თითქოს დაყვნენ,  მაგრამ ამით გვერდი აუარონ მიმდინარე წინააღმდეგობებს, საბოლოოდ კი მაინც მიაღწიონ დასახულ მიზანს და არიან ლიდერები, რომლებიც ჰგვანან კლდეს, ცდილობენ ყველა წინააღმდეგობას დახვდნენ მედგრად და სადამდეც შეძლებენ, წინააღმდეგობა გაუწიონ მოწინააღმდეგეს.

 

მართვის სამყაროში, რა თქმა უნდა, ორივე ტიპის ხელმძთვანელის ადგილი არსებობს. უფრო მეტიც, სიტუცაციების მიხედვით ან ერთი ტიპია უფრო ხელსაყრელი, ან მეორე. მაგრამ, საბოლოო ჯამში, მათ შორის ყველაზე კარგ შედეგს, თითქმის ყოველთვის, მაინც პირველი ტიპის, წყლის თვისებებისა და ქცევის მქონე მენეჯერები აღწევენ. ისინი ახერხებენ იყვნენ ბევრად თანმიმდევრული მოქმედებებში, ნაკლები სტრესისა და ნერვების ხარჯზე ბევრად უკეთ აღწევენ დასახულ მიზნებს. მათ გარშემო მყოფ ადამიანებს კი  თვითონაც ნაკლებ ჭრილობებს და ტკივილს აყენებენ და გარეშე საფრთხეებისგანაც უკეთ იცავენ.